مذكرات أم بوكمالية, ترفيهي اجتماعي

اسمحوا لي أن ألتقي بكم يوميا مع حكاية جديدة من مذكرات أم بوكمالية أريد تصويت موافقون أم لا

بعد ما تقرؤون أول مذكرة :

الساعة السادسة صباحا"عندي 8 أطفال بين اناث وذكور أصغرهم عمره سنة وأكبرهم عمره 12 سنة وأنظر صباحهم يا رعاكم الله :

اسمحوا لي أن أكتبها باللهجة البوكمالية: يا فتاح ياعليم استر علينا يا ستار

الأم : أحمد يالله يعيني ما ظل وقت سعاد قومي امي محمد اتأخرت على الدوام انت يا ابو النوم يازي قوموا

يا بوووووووو ؟ اقوم واحد ينام اثاني وبعدين والله الما يقوم غير اطوفو مي

(طبعا قام الجميع ) صوت اتنحنح قوموا يا حزينين قعد أبوكم هسا يصخمنا

صار اركيضهم ما لو والي بلشت الهوسة عالمرحاض (الله يعزكم ) يالله اتأخرنا امي صارلو ساعة وما يفعل يطلع الخ الخ الخ ............

رحت عالمطبخ أعد الفطور والويلاد يتصارخون وين الفولار وين صدريتي يا الله لبس اجراباتي والله اني لقيتوها قبلو

هاك غيرها بس خلصم ما ظل وقت وبين كل هالهوسة الأفندي معلي التلفزيون على أخبار الجزيرة ؟؟؟؟؟؟؟؟؟؟؟

الأب: وين رحتي يا ولي مخلفة عشيرة الله ياخذك !!!

الأم : يالله يا ابو فلان جاي (بين نفسها )الله يصخمك تقول والا مخلفتهم الحالي ؟؟؟؟؟؟؟؟؟؟!!!!!!!11

( بين المطبخ والغرفة ست أمتار وبينو وبين الباكية نص متر )

الأم :آمر شكون اتريد ؟؟؟؟؟؟

الأب : ناوشيني الباكية!!!!!!!!!!!!!!

الأم: على عيني (تعطي الباكية )

والهوسة لازالت عاقدة ،

الأم : يالله تعالم افطرم

البنت : يمة ما مشطتيلي يالله ........... اهي اهي اهي اهي

الأم : يالله يمة جاي ( الصغير يبكي )

الأم : يبووو قعد أخوكم!!!!!!!!!!

وطبعا الأب ما الو كار هو بس يخلف ويصرخ

الأب :ياول طلعي العجيان ما ظللهم وقت الله واكبر عليك اتظلين حايثة؟؟؟

( الويلاد ما يرضون يروحون الا بخمس ليرات )

الأم : اعطيهم الخمسة الكشرة خليهم يروحون

الأب : واني منين أجيبلكم قاعد على بنك الله وكيل اركض الليل والنهار والعشا خبيز خافم الله راح تجلطوني

خذم هالعشرة اتقاسموها بيناتكم ما عندي غيرها

( طلعم الويلاد واحد زعلان واحد رضيان )

الأم تتمتم : ماعندك وانت الباكية اللي يدخنها بالشيء الفلاني بس علينا

الأب: شبيك اتبربرين ولي هاتي هدومي

(اجيبلو الهدوم الي أنا مجهزتها وكاويتها )

الأب : هاتي غيرها الي رميتها البارحة

الأم : (يصفر وجهها ) لسة ما غسلناها والله ما صحلي هالعجاج والصغار

الأب : هاي عادتك ما تبطليها الله وأكبر عليك الا تغثيني يول والله لا أطكك بمرة بس استني علي

يصفق الباب بغضب ويطلع وتروح الأم على شغلها والدمعة على خدها من كلامه الجارح )

الى اللقاء في ظهيرة بوكمالية مع تحيات بنت الفرات !!!!!!!!!!!!!!!!!!!!!!!